愛蓮．愛自在花園

　
　
夜深。地鐵。
　
耳邊轉來沙啞如張柏芝的聲音......
　
「我從來都唔俾自己 yor 架，你知唔知呀？」
　
「你連去教會都係會化晒裝咁架？」「柏芝」旁的女生說。女生架著粗框眼鏡，一臉樸素稚氣，看來年紀比「柏芝」小很多。
　
「我講你聽丫，我果次第一次去教會呢，因為逢係第一次去教會呢，全個教會ｄ人都會當你係寶咁要走黎識你架嘛，你一定係全場最被人注意o既一個，所以唔 yor 得架，一定要靚，我果日著得好靚，化好晒裝咁去架......」
　
「...到而家我都係架，我返教會同我以前晚晚去老蘭蒲果陣其實一樣冇點變架，我都係執得好正咁去架，其實兩樣野對我黎講，都係一樣之嘛－－都係叫做有樣野用黎一個禮拜一次俾我愛黎吊住條命，唔俾我自己 yor 咁囉。」
　
「咁而家証明左我做o的o野係冇白費丫，o的仔又純品......」
　
「所以呢，女人係一定要執o架，o的錢冇話會o徙左架，你以後會知道真係值得架。記住呀。」一身黑衣，粧容濃艷的「柏芝」邊說邊雙手按著身旁友人的手，然後離開車廂。
　
剛巧我也下車，走在「柏芝」的身後，看著黑影兒彷彿半醉般踏著不安猶豫的緩慢步伐走向對面月台。
　
只能默默祝福她，有走對了月台。