愛蓮．愛自在花園

　
　
聽H和S說阿根廷探戈聽了好久，但心裡一直覺得，舞蹈這回事，離我很遠，很遠；我從來只可以當個旁觀者。

直至個多星期前，因為好奇，也因為想要為自己發掘更多可能性，便隨S去了一次Milonga。

事發至今，一直想記下自己的感受；但阿廷根探戈給我的感覺太純粹了，彷彿一下筆，那種純粹的感覺便會給我笨拙的文字而扭曲變樣了。

今日，偶然跟一位業餘教授舞蹈的舊同事L在電郵中聊起阿根廷探戈，我便想，不如節錄我跟L的對話，也許會比起其他方式的描繪更能直截了當地表達我的感覺：

L: 有無特別原因妳去學阿根廷探戈（這種在香港不大流行的舞蹈）呢？

I: 其實又冇咩好特別o既原因喎.... 我有兩個朋友學左2 -3年, 幾個星期前我跟佢地去左一次 milonga, 我明明咩底子都冇, 竟然只係真係專心去 feel 個 partner 帶住我"walk" 時個重心響邊就可以 follow 到, 覺得件事好神奇囉, 同埋一定要咩都唔諗先跳到 (根本冇 steps 可記嘛, 同埋一分心就 feel 唔到 partner 個 move), 有助我呢o的個腦不停轉o既人去 relax 呢。我係個記動作好渣o既人, 所以學 jazz 果d 我一定唔得架, 哈哈。

L: 哈哈！放開顧慮去 feel 正正係女仔跳探戈精粹（其實跳所有標準舞都係，跳比賽或表演除外）。反而好多慣記動作「跳舞人」未必能輕易做到。恭喜您！

I: 唔...... 有樣野好得意, 我上次去 milonga, 連 basic steps 都冇學過, 阿男班長就請左我出去跳, "walk"左一陣我已經覺得好神奇點解自己跟到o既? 反而一開始響度記住左腳定右腳就即刻甩晒 :P 之後另一個男同學帶, 同班長o既 style 係完全唔同的, "soft"o的, 但方向感好清楚, 又一樣會跟到喎...... 同埋呢次就學精左, 真係咩都唔諗, 咁就好 smooth 地跳左幾首音樂, 好開心。

我由細到大, 都係一個手腳活動能力唔多好果種笨手腳人, 即係連個波兜口兜面飛埋黎都可以打唔中果隻呢, 記 steps 又渣, 所以小時候上 PE 堂挫敗感好大, 賽跑跑包尾, 游水學唔識, 開波唔過網, 投籃中籃框... 老師嫌棄時又成日俾同學笑, 仲唔肯同我一組... "阿根廷探戈"令我搵番一種久違左o既對自己o的手手腳腳o既 sensitivity, 原來"郁手郁腳"係好開心的, 又原來"笨手笨腳"的人如我, 其實一樣可以 enjoy "跳舞"呢件事。今個 weekend 去上兩堂 workshop, 同埋有得睇兩位響阿根廷黎o既老師表演, 好開心。　

這的確是我作為一個 freshman 對 Argentina Tango 最想與別人分享的感受。

很快樂。很純粹。就是這樣子囉。^_^