2/6/2006
有冇咁筍先？
對，星期五，堂堂小週末（從來都唔係好關我事），晚上八時半了，我仍在公司。
剛剛在趕一份招標書。寫這一類東西總是要非常的小心，因為只要有一兩個小錯誤，足以有把柄讓一些無良承辦商欺負你，玩殘你，拋你，質你，直至你死得不明不白；死後，唔好以為就可以一了百了唔駛理－－你的冤魂不能投胎，你還得去執蘇洲河畔靚茄一篤，執唔掂就仲要死多一次。
今天曾問小紅玫，是不是某些事要發生前，必先經歷一段衰到貼地貼地貼貼地的時間。
剛才寫呀寫的，我竟忽然看到自己一個思考上的盲點，好盲果隻，然後福至心靈一樣，劈咧啪勒地寫寫寫寫寫，之前想不通，想不到的一些事，竟忽然就給解決了。
難道，我的「衰到貼地」期，已經完了？
咁筍？
真係咁好？
又或者只係因為，雖則心情唔好，但至少人生指標仍然是向上的，所以衰極都有個譜？（感恩個天真係待我不薄。）
唔知。我都好想係咁。
我淨係知，飲埋杯茶，攪埋少少手尾，將份標書打個靚靚的紅印，然後放去老細的 in-tray。然後我要收工，我要食飯，我要返屋企啊......
# posted
by irenegarden : 6/02/2006 08:31:00 下午
