愛蓮．愛自在花園

　
　
（本篇勁爆粗，屬發洩性罵人文章，不習慣者別看。）
　
非香港出生的人士，只需要連續住滿七年，都可擁有一個香港永久居民的身份。

我，為這個爛鬼特區政府打工，尚有一個星期便滿七年了，而我仍然是一年續一次約的「非公務員合約僱員」。而且乜春福利都冇－－－－係，連基本的醫療、牙科都冇，交通又冇，甚至連上司放大假你要take up 佢d野黎做期間的署任津貼都冇，因為王ｘ平果件茂利話，非公務員合約僱員的薪酬是「全包式」云云。你老闆，當年入職果陣都冇人咁同我地講過，你up乜都得架啦。

仲有，本來針對 97 年之前以比市場高薪入職長俸公務員的 0-3-3 減薪，我地合約僱員，已經比同級低成 5 個起薪點(而佢地年年有 point 跳，contract staff 冇得跳)，都要跟埋佢地一齊減！（即係話，公務員減0-3-3但有point跳，其實即係都有得加，但我地合約人係淨減 6% 囉！）
　
原來想打份長工，比獲得居留權更難。若不是喜歡文化藝術工作，真係走左九世。
　
早前，以工會代表的身份去見那些狗官，他們一臉木然地說，即使政府解凍重新招聘，不論同事以合約員工身份做了幾多年，都一律要從一萬五千幾的起薪點入職，而且不論之前年資多久，最多只承認一年半，尚要「試用」多四年半，才可以成為正式公務員。
　
最難聽，最涼薄果句說話係：「係要減少少人工（少你條命！十幾個%呀！），但係你考番入黎之後就有得跳薪級點，將來亦可以升職（哈，起碼都十年......）。都係忍幾年者。」「你地入職果陣，都知道係合約，你地理性ｄ諗下，都知道係冇轉長工呢回事。」（但鬼知你個合約制一玩就玩咁多年咩？？？果時個個都以為兩三年架咋！！即係一句到尾，係我地自己抵死，你地就冇責任啦係唔係呀？？？？）
　
頂，我1999年入職時人工一萬四千幾，以七年年資，投考同職級同職位的公務員位，你用一萬五千二百幾請我，即是說我那七年經驗連一千蚊都唔值，你唔好去死？同侮辱我有乜分別？？
　
仲有，當年你班公務員，減果 6% 已經又要上街又要告政府。如果我考番公務員，人工減幅係接近17%，咁我係唔係要去絕食抗議？？？？定係我應該去政府總部扮跳樓抗議？？？
　
忍幾年？？忍你條命！！！
　
又，如果我考番公務員，即係我前後夾埋一共做成 11 年半先成為「長工」 (註: 新的長工是沒有長俸的，跟合約制一樣要供 MPF)。響出邊，10年已經可以拎 long service award 啦，試用一個人要十一年半，真係黐交叉線！！！
　
昨日，上司說有個夏日戶外節目，打算四月要上節目建議書過會，叫我幫他想想有沒有好點子。Idea 這回事，從來都不是說有就可以有的，更何況是要突破之前兩年所做過的。而我，昨天用了一個下午找資料，今日午飯前已經給他寫好了初步的 proposal，包括節目主題、命名、目的、賣點、內容、理念以及十二個可以接觸的團體資料。
　
剛剛，我上司對我說，對我提出的創新點子非常滿意。
　
然後，我真的想問，特區政府，你對唔對得我住??????????????????????????????
　
@!&*$^!(#^;;*@#%^&()$(#%)!#%!*^)@)#;%#!(@^(:~!@^*!(%">~!@^*!(%^#!(@!*
　
(灰到爆.......)